公視新聞網 https://news.pts.org.tw/article/716653 吳晉淮音樂紀念館 8主題展示台語歌黃金歲月 發布時間：2024-09-26 19:15 更新時間：2024-09-26 22:33 https://www.youtube.com/watch?v=KXI7OFIjGXI 當代台語歌曲創作人吳晉淮，寫過〈關仔嶺之戀〉、〈可愛的花蕊〉，攏是臺灣本土的經 典歌曲。吳晉淮的古厝嘛成做音樂紀念館，市府毋但做建築整修，連內面的展覽內容嘛重 新調整。策展單位這改設計8个主題，透過道具佮情境布景的設計，欲提供逐家一个浸水 式的體驗。（新聞標題、導言及內文皆為臺語文） （NS: 嶺頂春風吹微微） 拍開曲盤的屜仔，當咧唱的是的經典作品〈關仔嶺之戀〉，恬靜的三合院當咧展出各種古 早物，遮是當代台語歌曲創作人吳晉淮的古厝，講著伊的名，少年輩真生疏，不而過伊的 歌曲定著聽過。2005年遮公告成做歷史建築，後來變做音樂紀念館使用，這回閬七冬內面 閣重新調整，欲予人進一步通認捌。 南臺科技大學視傳系主任 黃綝怡：「內底有伊捌用過的家具設備，伊上愛的吉他，阮嘛 有囥咧內面，閣有伊的衫仔褲。就是予這馬的少年人，毋是攏一日到暗攏看彼種多媒體科 技的物件，怹會當去感受彼咧時代，逐个人去沉浸佇生活內底的感受。」 設計總監 曾堂閔：「阮希望民眾會使留落來，會使沉浸佇氣氛內底，所以我逐間攏有設 計會使予人坐的椅仔。」 佇逐家共醫生當做是夢想的時代，吳晉淮煞真迷音樂走去日本學習，1953年伊參日本人， 組成拉丁三人組合唱團，開創無仝的音樂風格，嘛到各地去巡迴演唱。1956年是台語流行 歌的天下，伊一生計總創作兩百外首歌，嘛捌指導過黃乙玲佮洪榮宏等人，對母語歌曲貢 獻真濟。 臺南市文化局長 謝仕淵：「透過吳老師的故居，佇這个環境，共吳老師的一世人所做的 代誌，伊對臺灣早期流行音樂的影響，會當佇這个紀念館當中，閣共這件代誌講閣較清楚 。」 音樂是吳晉淮一生的寄託，伊嘛替臺灣歌壇留下珍貴的記持。9月28文化局欲佇紀念館的 廣場辦音樂會，嘛予逐家鬥陣見證伊佇台語歌的黃金歲月。 記者 李晨宇 臺南報導 唐嘉良/編輯 -- ※ 發信站: 批踢踢實業坊(ptt.cc), 來自: 111.255.110.232 (臺灣) ※ 文章網址: https://www.ptt.cc/bbs/Gossiping/M.1727495250.A.9A0.html